2026-чы джыл ноябрны 4-де Шимал Кавказда биринчи инклюзив ат театр Пятигорск епархияны иппотерапия Аралыгъында «Целебный Ессентуки»ачылгъанды. Ол саулукъларында къыяулары болгъан адамла профориентация алыргъа, джангы усталыкъла алыргъа, саулукъларын игилендирирге, фахмуларын ачаргъа эмда ёсдюрюрге, солууларын тюрлю-тюрлю этерге эмда социализация этерге боллукъ площадкады.
Проект Пятигорске бла Черкесскени архиепископу Феофилактны, аны кибик къайгъырмагъан меценатланы болушлукълары бла бардырылады.
Къуанч ачылыугъа аралыкъны сохталары, къуллукъчулары, курортну къонакълары джыйылдыла. Джыйылгъанлагъа алгъышлау сёз Бла Пятигорске бла Черкесскени архиепископу Феофилакт, СКФО-да Эресей Федерацияны Президентини толу эркинликли келечисини орунбасары Владимиров Максим, Ессентюк шахарны администрациясыны башчысыны биринчи орунбасары Иващенко Анатолий селешдиле.
Концерт программаны Владикавказ шахардан «Нартла» атлы драма театрны эмда Къызыл Курган элден «Аманат» атлы спорт клубну артистлери, Аны кибик Ессентюк шахарны самодеятельный коллективлери бла аралыкъны къуллукъчулары кергюздюле.