2026-чы джыл октябрны 22-де Пятигорскеде М.Горький атлы библиотекада призывникни кюнюн белгиледиле. Пятигорск бла Лермонтовдан 40-дан артыкъ джангы аскерчи аскер къуллукъгъа ашырырны аллы бла насийхат сёзлени эшитирге джыйылдыла.
Призывниклени Пятигорскени башчысыны заместители — шахарны администрациясыны джамагъат къоркъуусузлукъну Управлениясыны тамадасы, призыв комиссияны председатели Потапенко Андрей, СВО Пятигорск бла Лермонтовну ветеранларыны Ассоциациясыны председатели, СВО-ну участниги Терехов Антон, Ставрополь крайны Пятигорск, Лермонтов, Ессентуки эмда Кисловодск шахарларыны аскер комиссариатыны бёлюмюню тамадасы Шаргородский Максим эмда Пятигорск бла Черкес епархияны Сауутлу кючле бла джорукъ сакълагъан органла бла байламлылыкъ джюрютген белюмюню тамадасы протоиерей Сорокин Константин алгъышладыла.
Аскерге чакъырылгъан Александр Арустамян нёгерлерини атындан кесини аскер борчун тыйыншлысыча толтурургъа берген сёзюн окъуду.
Джыйылгъанланы аллында «Солдатский конверт» деген патриот джырны край фестиваль-конкурсуну хорлагъаны, Пятигорскеде 19-чу номерли къазакъ школну сохтасы Кузьмин Даниил селешди. Ол «Орус джаш»деген джырны джырлады.
Джангы аскерчилеге нюрню къаласын, сау-эсен къуллукъ этерге эмда юйге дженгил къайтыргъа теджедиле.