Зеленчук стансени Петропавлов клисасыны штат клириги иерей Гурин Алексий стансени билим берген учрежденияларыны сохталары бла тюбешиуле бардырды.
2026-чы джыл октябрны 9-да дин къуллукъчу С.Х. - Л. Биджиев атлы 2-чи номерли орта билим берген школгъа баргъанды. Алексий ата тогъузунчу классчылагъа Пресвятой Богородицаны Покров байрамыны, аны тарихини, сейирлик болумланы эмда Аллахны Анасыны джакълыгъыны юсюнден хапар айтды.
Школчула ушакъгъа тири къатышып, соруула бергендиле. Тюбешиуню аягъында дин къуллукъчу джашлагъа сейир ушакълары ючюн разылыгъын билдириб, алагъа рахатлыкъ, ашхылыкъ эмда Аллахны ашхы ишледе болушлугъун теджеди.
Дагъыда иерей Алексий Гурин Зеленчук сабий искусство школну сохталары бла тюбешди. Терроризм бла неонацизмни идеологиясына къаршчы кюрешге аталгъан ушакъгъа Къарачай-Черкес Республиканы Халкъ Джыйылыууну депутаты Капалкина Юлия къошулгъан эди.
Депутат школчулагъа экстремизмге къажау турууну эм хар адамны кесини этген ишлери ючюн энчи жууаплылыгъыны юсюнден айтханды.
Алексий ата джашла бла тин-адеб-намыс багъалыкъланы, адетлени сакълауну эмда ангылауну манипуляция этерге кюрешгенлерин таный билиуню магъаналыгъыны юсюнден сёлешгенди.
Окъуучула социал сетьледе къоркъуусузлукъну, вербовканы таныуну мадарларыны эм да танышланы арасында радикал идеяланы джайылыууну белгилерин ачыкълагъан ишлени юсюнден соруула бергендиле.
Эки тюбешиу да ачыкъ ушакъ халда ётдюле. Школчула аланы сейирсиндирген сорууланы бериб, дин джашауну эмда адеб-намыс сайлауну магъаналы темаларын дин къуллукъчу бла сюзалгъандыла.