2026 – чы джыл Прохладна районда «Дорогами открытий-2026»деген проект тамамланнганды. Анга къатышханла «Колос»спорт школну сохталары болгъандыла.
«Ачылыуланы Джоллары бла» деген проектни Прохладна районну администрациясыны культура, джаш тёлю политика бла миллетле арасы иш джюрютюулени бёлюмю «Кърал миллет политиканы Джашауда бардырыу»деген район программаны чегинде джыл сайын бардырады. 2018 жылдан бери анга 1500-ден артыкъ окъуучу къатышханды. Экскурсияланы къураугъа музейлени къуллукъчулары, педагогла, дин къуллукъчула, имамла эмда культура къуллукъчула къошулгъандыла.
2026 жылда 180 жаш спортчугъа он экскурсия бардыргъандыла. Сабийле Уллу ата джурт къазауатны эсгертмелерине, Прохладный шахарны эмда Екатериноград стансени музейлерине, православ клисала бла межгитлеге да бардыла. Ала Прохладна районну халкъларыны тарихлери, культуралары эмда адетлери бла шагърей болдула, аны кибик динчилени келечилери бла да тюбешдиле.
Къураучула иги хоншулукъну темасына энчи эс бургъандыла. Хар къауум православ клисалагъа да межгитлеге да бардыла. Сабийле дин къуллукъчула бла имамла бла ушакъ этерге, дин бла тин джашауну юсюнден соруула берирге боллукъ эдиле. Кёплеге быллай сынау биринчи болгъанды.
Екатериноград стансеге баргъан кезюуюнде проектге къошулгъанла Евфимиевский клисагъа — Къабарты-Малкъарны эм эски клисасына бардыла. Клисаны тамадасы иерей Шафоростов Андрей келген къонакълагъа шыйыхны тарихинден хапар айтды.
Прохладный шахарны Никольский клисасында иерей Еремеев Андрей, приходну тарихине эмда православ динни тамалларына аталгъан беш тюбешиу бардырды. Алтуд элни культура-солуу аралыгъында спорт секцияланы гитче сохталары бла тюбешиу болуб етдю. Анга Солдат стансени Михайловский клисасыны тамадасы иерей Молдованов Евгений да къошулгъан эди.
Проектге къатышханланы айтханларына кёре, экскурсияла алагъа туугъан жерлерини тарыхын иги билирге, районну халкъларыны ниет тёрелери бла шагъырей болургъа эм ата журт тарыхны жангы бетлерин ачыкъларгъа болушхандыла.
«Колос» спорт школну директоруну орунбасары Еланская Татьяна, жангы окъуу жылда школну башчылыгъы окъуучуланы дин къуллукъчула бла тюбешиулерин андан ары бардырыргъа умут этгенин белгиледи.