2026 — чы джыл майны 25-де Черкесскеде «Русский язык-основы единства народов России»деген фестивальны экинчи кюню болуб етдю. Фестивальны славян жазыу бла культураны Кюнюне эм Россейни халкъларыны бирлигини Жылына жоралагъандыла. Ол кюн джаш телю форум болуб етдю.
Форумгъа Москвадан, Ставропольдан, Черкесскеден, Карачаевскеден эмда Отрадная станседен алимле къошулгъан эдиле. Къошулгъанла миллетле арасы келишиуню, тин эмда культура адетлени сакълауну, кёб миллетли Россияны тамалын бирикдирген орус тилни тарихине эмда магъанасына сый бериуню юсюнден селешдиле.
Пленар жыйылыу а.а. Дауров атлы культура бла искусство Колледжде бардырылгъанды. Секциялы тюбешиуле Ю.а. Гагарин атлы культура ёсюмню Аралыгъында эмда Черкесскени Никольский соборунда болдула. Форумну ишин Шимал Къарачай-Черкес клиса округну благочинныйи протоией Нартов Александр бардырды. Форумгъа къошулгъанланы, ФАДН-ни Шимал Кавказ федерал округда Регионла арасы управлениясыны башчысыны къуллугъун толтургъан Гусев Илья, КЪЧР-ни миллетлени ишлерини, кёбчюлюк коммуникацияла бла басманы министри Есенеев Мурат, КЪЧР-ни билим бериу бла илму министрини орунбасары Атаева Лейла, КЪЧР-ни Парламентини экономика политика Комитетини председатели Ганшин Алексей эмда имам Абу-Ханиф атлы Ислам институтну ректору Каитов Ахмат алгъышладыла. Форумну ишине Къарачай-Черкесияны 12 окъуу заведениясындан мингнге джууукъ студент къошулгъанды.