Майны 18-де Зеленчук районну администрациясында джуукъ клиса байрамланы бардырыуну юсю бла кенгеш болуб етдю. Тюбешиуге Къарачай-Черкес клиса округну благочинныйи иерей Якушев Александр, Тёбен Архыз поселокда Илия пайгъамбарны Клисасыны тамадасы иеромонах Елевферий (Казаков), районну башчысы Брыкина Марина, Эресейни МВД-ны «Зеленчук» МО-ну ОГИБДД-ны тамадасы полицияны майору Ключев Радмир бла Зеленчук район къазакъ джамагъатны атаманы Миронычев Виктор да къошулгъан эдиле.
Кенгешге къошулгъанла, Николай Чудотворец Шыйыхны эсгериу кюнде Сторожева станседе тахта байрамны бардырыуну сюздюле. Ол кюн Сторожевскийни стансе къазакъ джамагъатыны къазакълары ант аллыкъдыла.
Дагъыда июнь айны 1-де Архыз элде бардырыллыкъ байрам ишлени сюздюле. Ол кюн табыныучу юйде Аллахны литургиясын этерикдиле. Кёп паломникле сакъланадыла.
Тюбешиуге къошулгъанла байрам мероприятияланы кезюуюнде къоркъуусузлукъну, джамагъат мизамны къурауну эмда джол джюрюуню джарашдырыуну сорууларына энчи эс белдюле. Полицияны къуллукъчулары клисаланы къатында эмда эл посёлоклагъа кирген джерледе дежурить этерикдиле.
Районну администрациясыны, динчилени, полицияны эмда къазакъланы биргелей ишлери клиса къуанчланы тынч эмда къоркъуусуз бардырыргъа болушурукъду.