11-чи майда Черкесск шахарны Никольский соборуну джамагъаты Къарачай-Черкесияны клисаларына бардыла. Къауумну соборну динчиси иерей Гурин Александр ашырды.
Джолоучулукъну биринчи пункту Усть-Джегутда Архангел Михаилни клисасы болду. Андан сора паломникле биринчи баш абустолла Петр бла Павел Шыйыхланы клисасына бардыла, анда келген къонакълагъа клисаны тамадасы иерей Якушев Александр тюбеди. Дин къуллукъчу экскурсия бардырыб къобан къазакъланы адетлеринден да хапар айтды.
Андан сора Къауум Тёбен Архызгъа атланды. Буруннгу Георгий клисада паломникле «Pente oros»деген епархия ансамблни сёлешгенин эшитдиле.
Аны кибик муъминле Тёбен Архыз шахар орунну буруннгу клисаларына эмда Къутхарыучу Масихни Къая Бетине да бардыла.