2026-чы джыл майны 5-де байрамны аллы бла, Пятигорске бла Черкесскени архиепископу Феофилакт, Нижнеподкумский поселокну Георгий клисасында кечеги дин къуллукъгъа башчылыкъ этди. Архиерейге, Пятигорск клиса округну благочинныйи протоиерей Симанович Олег, клисаны тамадасы иерей Беляев Михаил эмда протодиакон Куба Димитрий къуллукъ этдиле. Архипастырь бла элни адамлары бла паломникле да дуа этдиле.
2026-чы джыл майны 6-да Эллинчи Кюнню Байрамыны Кюнюнде эмда уллу мученик бла Хорламчы Георгийни эсгериу кюн, Пятигорске бла Черкесскени архиепископу Феофилакт, Шоана тауда Х ёмюрню Эм эртдеги Георгий клисасында Дин литургия бардырды.
Байрам башланырны аллы бла Владыкагъа юнармеецле салам бердиле, ала, къуралгъан адетдеча, анга георгий лента байладыла. Хар джыл сайын ленталаны юлешиу «Пасха В год Победы»деген акцияны бир кесеги болады. Бу джол юнармеецле къазауат этген джууукъларыны суратларын алыб келгендиле, алай бла «Бессмертный полк»деген акцияны да башлагъандыла.
Архиерейге, Къыбла Къарачай-Черкес округну благочинныйи иерей Якушев Александрны башчылыгъы бла Пятигорск епархияны динчилери къуллукъ этдиле. Архипастырь бла узакъ болмай Орналгъан Хетагуров Коста атлы элни адамлары бла республиканы тегей джамагъатыны келечилери да дуа этдиле. Дин къуллукъда зикирлени бир къаууму гюрджю тилде согъулгъанды. Аланы «Bravo Metehi»къауумну къатышыучулары толтургъандыла.
Литургиядан сора Владыка муъминлеге ауаз бериб сёлешди. Ол кюн огъунакъ дин къуллукъчула Эм эртдеги клисада Клисагъа къошулургъа излегенлени крещениясын этдиле.