Пятигорск кърал университетде Эресейни МВД-ны Шимал Кавказ федерал округда баш управлениясыны башламчылыгъы бла джаш телю аралыкъда деструктив кёрюнюулени профилактикасыны проблемаларына эмда аланы баджарыуну механизмлерине аталгъан семинар-кенгеш болуб етдю». Форумгъа кърал власть органланы, билим бериу бла илму министерстволаны, миллетле бла джаш тёлюню ишлерини, спортну, дин конфессияланы эмда округну джамагъат бирлешликлерини келечилери джыйылдыла.
Форумну округ полиция ведомствону таматасы полицияны генерал-полковниги Сергей Бачурин ачханды. Ол чертгенден, бу форумну бардырыргъа кереклиси бютеулей къралда да, Шимал Кавказ регионда да акъыл-балыкъ болмагъанланы аманлыкъчылыкъларыны ёсюуюню осал тенденциясы бла байламлыды. Полицияны генерал - полковниги тюбешиуню баш муратын белгилегенди-ёсюб келген тёлюню деструктив идеологияны себебинден къоруулаугъа эмда тышхы влияниени себебинден аманлыкъланы этиуге къошуугъа аталгъан профилактика ишлени бардырыугъа бир тюрлю мадарла къурауду.
Семинарда Дагъыда Пятигорске бла Черкесскени архиепископу Феофилакт, Шимал Кавказны муслиманларыны Координацион аралыгъыны председатели, Чечен Республиканы муфтийи Межиев Салах, Ставрополь крайны билим бериу бла илмуну министрлери Смагина Мария эмда Дагъыстан республиканы Яхья Бучаев селешдиле.
Форумгъа къошулгъанла джаш тёлюню арасында законну бузууну профилактикасыны механизмлерин, дин-адеб-намыс багъаланы къурауда эмда радикализацияны болдурмауда излемли ведомстволаны эмда дин организацияланы магъаналарын, джаш тёлюге къоркъуусуз болум къурар ючюн эмда аны социализация этер ючюн кърал структураланы бир-бири бла байламлылыкъларын сюзгендиле. Анда болгъанла профилактика программаланы джашауда бардырыуну юсюнден комплексли оноула къурауда бир-бири бла байламлылыкъ бла сынам алышыуну магъаналылыгъын чертдиле.