Цӏыхубэ зэкъуэтыныгъэм и махуэм, Пятигорск лъэпкъ щэнхабзэхэмкӏэ унэр къалэкум и тхыдэ унэм къыщызэӏуахащ.
Гуфӏэгъуэ дауэдапщэм хэтащ Пятигорск и ӏэтащхьэ Ворошилов Дмитрий, къалэ Думэм и унафэщӏ Самольянец Дарье, лъэпкъ-щэнхабзэ автономиехэм я депутатхэр, лӏыкӏуэхэр.
Къызэхуэсахэм захуигъэзащ Пятигорск члисэ округым и благочиннэ протоиерей Симанович Олег. Щоджэныр тепсэлъыхьащ Цӏыхубэ зэкъуэтыныгъэм и махуэм и тхыдэм икӏи ягу къигъэкӏыжащ ар Тхьэм и Анэм и къэзан тхьэнапэр гъэлъэпӏэным зэрыпыщӏар.
Ди адэ Олег лъэпкъ щэнхабзэхэмкӏэ унэм и унафэщӏ Гавриловэ Алёнэ иритащ Тхьэм и Анэм и Къэзан тхьэнапэр — Пятигорскрэ Черкесскрэ я архиепископ Феофилакт и тыгъэр.
Махуэшхуэм къалэм и утыку нэхъыщхьэм щыпащащ «Урысейм ис лъэпкъхэм я шхыныгъуэхэр» фестивалымрэ уэзджынэ макъымкӏэ мастер-классымрэ.
Гуфӏэгъуэхэм хэтхэм хуагуэшащ Урыс Чристэн Члисэм И Синод миссионер къудамэм игъэхьэзыра буклетхэр.