Черкесск дэт щӏэныгъэ щрагъэгъуэт школхэм я волонтёр зэгухьэныгъэхэм хэтхэр Щыӏащ Никольскэ члисэ зэхуэхьэсам Члисэмрэ къэзакъхэмрэ я тхыдэмкӏэ и музейм. Экскурсиер екӏуэкӏащ «Волонтёрхэр наркотикхэм япэщӏэтщ»программэм ипкъ иткӏэ.
Школакӏуэхэм папщӏэ зыплъыхьакӏуэ ирагъэкӏуэкӏащ Никольскэ члисэ зэхуэхьэсам и щоджэн иерей Гурин Александррэ «Царьград» зэгухьэныгъэм и щӏыналъэ къудамэм и унафэщӏ Струговцов Денисрэ.
Музейм зыщагъэгъуэзэн щӏадзащ «Дзэ операцэ Щхьэхуэ»гъэлъэгъуэныгъэмкӏэ. Школакӏуэхэм КЪАЩӀАЩ СВО — м хэт ди лъахэгъухэм я хъыбар, ялъэгъуащ зауэлӏхэм я уней хьэпшыпхэр, къуентхъ техникэр, зауэ щӏыпӏэм щыщ нэгъуэщӏ экспонатхэр. Экскурсоводхэр тепсэлъыхьащ Къэрэшей-Шэрджэсым щыпсэухэм ирагъэкӏуэкӏ дзэ операцэ хэхамрэ волонтёр дэӏэпыкъуныгъэмрэ я щхьэусыгъуэхэм.
Итӏанэ еджакӏуэхэм зыщагъэгъуэзащ Члисэмрэ къэзакъхэмрэ я тхыдэм теухуа гъэлъэгъуэныгъэхэм. Абыхэм къащӏащ Къэрэшей-Шэрджэсым и пасэрей чристэн фэеплъхэр, Баталпашинскэ зауэр, Черкесск и тхыдэр. Школакӏуэхэм ялъэгъуащ къэзакъхэмрэ бгырысхэмрэ я лъэпкъ щыгъынхэмрэ псэукӏэм ехьэлӏа хьэпшыпхэмрэ, Хэку зауэшхуэм хэтахэм я орден, медаль пэжхэр.