2026 гъэм жэпуэгъуэм зэрыщӏидзэрэ Пятигорск лъахэхутэ музейм и гъэлъэгъуэныгъэ пэш цӏыкӏум къыщызэӏуахащ Прохладнэ къалэм И Никольскэ члисэм и штат клирик Еремеев Андрей и щхьэзакъуэ гъэлъэгъуэныгъэ. Гъэлъэгъуэныгъэм зэкъуигъэуващ авторым илъэс зэхуэмыдэхэм къызэригъэпэща лэжьыгъэ 60-м щӏигъу.
«Моменты вечности» гъэлъэгъуэныгъэм хьэщӏэхэр щыгъуазэ ещӏ И адэ Андрей и сурэт щӏынымрэ графикэмрэ, абы и усэхэмрэ тхылъхэмрэ. Лэжьыгъэхэм ӏэмал къуат гъуазджэм ухуэлэжьэным къыщыщӏэдзауэ Тхьэм ухуэлэжьэным хуэкӏуа сурэтыщӏымрэ усакӏуэмрэ я нэкӏэ дунейр плъагъуну. Авторым и творчествэм Тхьэм и дунейм и дахагъэм хуиӏэ лъагъуныгъэмрэ Инджылым тету псэуну зэрыхущӏэкъумрэ зэпещӏэ.
Сурэтхэм сурэтыщӏым Тхьэм и дунейм и дахагъэр къыщегъэлъагъуэ, усэхэм Дыкъэзыгъэщӏам фӏэтелъыджэщ. Удз гъэгъа натюрмортхэм, теплъэхэм, сурэтхэм, композицэ дахэхэм, графикэ композицэхэм уигу къагъэкӏыж дуней напӏэзыпӏэм и псынщӏагъымрэ абы цӏыхум и псэм къыхигъанэ лъэужьымрэ.
Гъэлъэгъуэныгъэр къыщызэӏуахым музейм и унафэщӏ Золоторевэ Юлие Андрей и адэм фӏыщӏэ хуищӏащ зэрызэдэлажьэм папщӏэ икӏи фэеплъ диплом иритащ.
Гъэлъэгъуэныгъэр 2026 гъэм щэкӏуэгъуэм и 1 пщӏондэ екӏуэкӏынущ.