Кисловодск къалэм и Чристэн Свято-Никольскэ классикэ гимназием и япэ классым кӏуэхэр яӏущӏащ космонавтикэмкIэ Циолковский К.
и цIэр зезыхьэ Урысей академием и академик, СССР-м и Къэрал саугъэтым и лауреат, техникэ щIэныгъэхэмкIэ кандидат Габелкэ Игорь.
Игорь щӏалэхэм яхутепсэлъыхьащ щӏым и япэ ракетэхэмрэ спутникхэмрэ икӏи ягуригъэӏуащ спутникхэм Интернетым и лэжьыгъэр къызэрызэрагъэпэщыр.
Гимназистхэм яфӏэгъэщӏэгъуэн хъуащ хьэщӏэм ракетэ-хьэрш ӏэнатӏэм зэрыщылажьэм теухуа и хъыбарыр. Габелко Игорь хэтащ ракетэ-хьэрш техникэр гъэунэхуным, борт радиотехникэ системэхэр къыщӏэгъэкӏыным автор кӏэлъыплъыныгъэр къызэгъэпэщыным и унафэщӏу щытащ икӏи ӏэнатӏэм и конструктор нэхъыщхьэхэм я советхэм я лэжьыгъэм хэтащ. Абы щӏэныгъэ лэжьыгъибгъу итхащ икӏи къигупсысахэм я автор щыхьэт тхылъ 12 къыӏэрыхьащ.
Япэ классым кӏуэхэм упщӏэхэр иратащ Гагарин Юрий зэрылъэтам, хьэрш аппаратхэр зэраутӏыпщам, дыгъэ къарум, мазэ, дыгъэ кӏыфӏыгъэм, хамэщӏ къикӏахэм, гъуанэ фӏыцӏэхэм теухуауэ.
Едаӏуэ нэхъ жыджэрхэм Игорь Николаевич тыгъэ яхуищӏащ космонавтикэмкӏэ Федерацэм и хъурей ручкэхэмрэ Роскосмосым и дамыгъэхэмрэ.
Зэӏущӏэр щиухым класс унафэщӏ Шевченкэ Марие хьэщӏэм фӏыщӏэ хуищӏащ и щӏэныгъэ Iуэтэжым папщӏэ икӏи зэӏущӏэну иджыри зэрыщыгугъыр жиӏащ.