2026 гъэм шыщхьэуӏум и 8-м районым Щэнхабзэмкӏэ и уардэунэм и пэш цӏыкӏум щекӏуэкӏащ Зеленчук районым и къэзакъ зэгухьэныгъэм и атаман Миронычев Виктор илъэс къэс и отчет зэхуэсыр.
Хабзэ зэрыхъуам тету, зэхуэсыр ирагъэжьащ Урысейм, Къэрэшей-Шэрджэсым, Псыжь я гимнхэр гъэзэщӏэнымкӏэ. Псоми я зэхуэдэ тхьэлъэӏум иужькӏэ атаманыр тепсэлъыхьащ блэкӏа илъэсым жылагъуэм иригъэкӏуэкӏа лэжьыгъэхэм икӏи къэкӏуэнум хуиӏэ мурадхэмкӏэ къыддэгуэшащ.
Къэзакъхэри едэӏуащ къэпщытакӏуэ-ревизэ комиссэм, лӏыжьхэм я советым, щӏыхь судым я отчетхэм.
Зэхуэсым хэтащ Баталпашинскэ къэзакъ зэгухьэныгъэ щхьэхуэм и атаманым и къалэнхэр зыгъэзащӏэ Ермаков Геннадийрэ Къэрэшей-Шэрджэс члисэ округым и благочиннэ иерей Якушев Александррэ.
Зэхуэсым и кӏэухым къэзакъхэм зэдэарэзыуэ къалъытащ Зеленчук районым и къэзакъ зэгухьэныгъэм и атаманым и лэжьыгъэр арэзы укъищӏу. Къэзакъ къыхэжаныкӏахэм саугъэтхэмрэ тхылъхэмрэ иратащ.