2026 гъэм бадзэуэгъуэм и 28-м Къэбэрдей-Балъкъэр Республикэм и Жылагъуэ палатэм щекӏуэкӏащ «Крещение Руси: духовное единство народов России»стӏол хъурейр.
Зэӏущӏэр иригъэкӏуэкӏащ «Вече» зэгухьэныгъэм и унафэщӏ Литвинов Роман.
Урысейм ис лъэпкъхэм я зэкъуэтыныгъэм и Илъэсым хуэгъэпса псалъэмакъым ХЭТАЩ КЪБР-м лъэпкъ ӏуэхухэмрэ жылагъуэ проектхэмкӏэ и министрым и къалэнхэр зыгъэзащӏэ Гергоков Джамбулэт, республикэм и лъэпкъ диаспорэхэм, жылагъуэ, дин зэгухьэныгъэхэм я лӏыкӏуэхэр.
Псалъэ гуапэхэмкӏэ къэпсэлъащ КЪБР-м и Жылагъуэ палатэм и унафэщӏ Бердов Хьэзрэталий, Дунейпсо адыгэ ассоциацэм и президент Сохъустэ Хьэутий, Налшык члисэ округым и благочиннэ протоиерей Бобылев Валентин сымэ. Итӏанэ хэтахэр докладхэм едэӏуащ.
Стӏол хъурейм и кӏэухым резолюцэ къащтащ. Абы къыщыхалъхьащ Урысейр Умэхъын Щащӏа Махуэр хабзэ хъуа псэкупсэ-щэнгъасэ лъапӏэныгъэхэр хъумэным теухуа илъэс къэс екӏуэкӏ республикэ фэеплъ махуэхэм хагъэхьэну.