Урысей Федерацэм и Президентым и полномочнэ лӏыкӏуэу СКФО-м щыӏэм и официальнэ сайтым хъыбар къызэрыдигъащӏэмкӏэ, бадзэуэгъуэм и 20-м Урысей Федерацэм и Президентым и полномочнэ лӏыкӏуэу Кавказ Ищхъэрэ федеральнэ округым Щыӏэ Чайкэ Юрий ӏущӏащ округым и субъектхэм я дин зэгухьэныгъэхэм я лӏыкӏуэхэм.
Кавказ Ищхъэрэм и хабзэ динхэм я дин лэжьакӏуэхэм щепсалъэм тепсэлъыхьащ урысей псэкупсэ-щэнгъасэ лъапӏэныгъэхэр и лъабжьэу лъэпкъ, дин зэгурыӏуэныгъэхэр хъумэным, гъэбыдэным ехьэлӏа ӏуэхухэм.
Къызэхуэсахэм фӏэхъус щарихым, Чайкэ Юрий къыхигъэщащ урысейм ис лъэпкъхэм я зэкъуэтыныгъэм и илъэсым ирагъэкӏуэкӏа ӏуэхугъуэхэмрэ дызэрыт илъэсым щӏышылэм и 1-м къару зыгъуэта къэрал лъэпкъ политикэм и Стратегиемрэ япкъ иткӏэ къалэнышхуэхэр ягъэзэщӏэн папщӏэ дин лэжьакӏуэхэм, властым и органхэм, граждан жылагъуэм и институтхэм зэгъусэу я гуащӏэ зэрыхалъхьэ векторхэр убзыхуным хуэгъэпса псалъэмакъ екӏуэкӏынум мыхьэнэшхуэ зэриӏэр.
Къызэрыӏуамкӏэ, а контекстым хабзэ динхэм я пашэхэм, псом хуэмыдэу Кавказ Ищхъэрэм, щаӏэ мыхьэнэр мыхьэнэшхуэ зиӏэ къудейкъым, ар купщӏафӏэ мэхъу. Полпредым зэрыжиӏэмкӏэ, граждан зэкъуэтыныгъэ пэжым и щапхъэ нэхъыфӏыр иджыпсту къагъэлъагъуэ лъэпкъ куэду зэхэт волонтёр зэгухьэныгъэхэм пэрытым.
Чайкэ Юрий дин лэжьакӏуэхэм я щхьэкӏэ фӏыщӏэ яхуищӏащ зауэлӏхэм псэкӏэ ягъашхэу, округым и щӏыналъэ псоми гуманитар хьэлъэхэр щызэхуахьэсу ират дэӏэпыкъуныгъэм папщӏэ.
Зэӏущӏэм хэтахэм я пащхьэ къыщыпсэлъащ Ставропольскрэ Невинномысскрэ я митрополит Кирилл, Кавказ Ищхъэрэм ис муслъымэнхэм я Зэзыгъэуӏу центрым и унафэщӏ Межиев Салах, Кавказ Ищхъэрэ федеральнэ округым и раввин нэхъыщхьэ Шабаев Леви. Архиепископ Феофилакт хэтащ къэпсэлъэныгъэхэм я ужькӏэ екӏуэкӏа псалъэмакъым.
Зэӏущӏэр щиухым Урыс Чристэн Члисэм и саугъэт лъагэр щратыж дауэдапщэ екӏуэкӏащ.
Лъэпкъ, дин зэхущытыкӏэхэр зэгъэкӏуным хуищӏа хэлъхьэныгъэр къилъытэри, Къызэралъхурэ илъэс 70 зэрырикъум къыхэкӏыу Москварэ урысей псомрэ я Патриарх Лъапӏэ Кирилл Ставрополь крайм и муслъымэнхэм я Дин ӏуэхущӏапӏэм и унафэщӏ Рахимов Мухьэмэд-хьэжы къыхуигъэфэщащ «Щӏыхьымрэ Щӏыхьымрэ» орденым и III нагъыщэр.
Абы и нэхъ Лъапӏэм и нэфӏ къыщыхуауэ муфтийм саугъэтыр иритащ Пятигорскрэ Черкесскрэ я архиепископ Феофилакт. Тепщэр юбилярым гуапэу ехъуэхъуащ икӏи Урыс Члисэм и Унафэщӏым хъуэхъуфӏхэр иритащ.
Урысейм и Президентым и полпреду СКФО-м щыӏэм и пресс-ӏуэхущӏапӏэм и тхыгъэхэмкӏэ