2026 гъэм бадзэуэгъуэм и 1-м, зауэм и ветеранхэм я Махуэм, налшык къалэм апостол пэлъытэ мироносицэ Магдалинэ Марие и цӏэр зезыхьэ и члисэм и щоджэныр хэтащ щӏэблэ зэхуэмыдэхэм Хэкум и хъумакӏуэхэм зэрахьа лӏыгъэм теухуа фэеплъ ӏуэхугъуэхэм.
Абыхэм хэтащ зауэм и ветеранхэр, зауэлӏ-интернационалистхэр, жылагъуэ зэгухьэныгъэхэм, властым и органхэм я лӏыкӏуэхэр, къалэдэсхэр.
Налшык фэеплъ зэӏущӏэхэр щекӏуэкӏащ «щӏыхьым И мафӏэ Мыужьых» мемориалым, зауэлӏ-интернационалистхэм я фэеплъым, зи къалэн зыгъэзащӏэу хэкӏуэда полицэм и лэжьакӏуэхэм я фэеплъым деж. Къызэхуэсахэм Хэкум и хъумакӏуэ дэхуэхахэм я фэеплъыр дакъикъэкӏэ щыму ягъэлъэпӏащ икӏи фэеплъхэм удз гъэгъахэр тралъхьащ.
Къэбэрдей-Балъкъэр Республикэм и щӏалэгъуалэм я Унэм щекӏуэкӏащ зауэм и ветеранхэм я «Къуэш за брата»форумыр. Ветеранхэм къыддэгуэшащ зауэ ӏуэхугъуэхэм ятеухуа гукъэкӏыжхэмкӏэ, тепсэлъыхьащ дзэ къалэныр зэрагъэзащӏэм, тхьэрыӏуэм зэрыхуэпэжым, Хэкум зэрыхуэлажьэм.