2026 гъэм мэкъуауэгъуэм и 2-м, Щихъым и махуэшхуэм и ещанэ махуэм, Пятигорскрэ Черкесскрэ я архиепископ Феофилакт Тхьэлъэӏу литургие щригъэкӏуэкӏащ Совхознэ къуажэм и Свято-Троицкэ цӏыхубз къулъшырыфым и Троицкэ члисэжьым, КЪБР-м.
Архиерейм дэлэжьащ Пятигорск епархием Налшык щиIэ округым и дин лэжьакӏуэхэр, благочиннэ протоиерей Бобылев Валентин я пашэу. Диакон къулыкъум пашэ щыхъуащ протодиакон Кубэ Димитрий. Архипастырым и гъусэу тхьэ елъэӏуащ псэупӏэм и шыпхъухэмрэ хьэжыщӏ кӏуэхэмрэ.
Литургие нэужьым Щихънагъым зэгъусэ тхьэлъэIур иригъэкIуэкIащ, махуэшхуэр игъэлъэпIащ, фIэщхъуныгъэ зиIэхэм узэщIыныгъэкIэ захуигъэзащ. Архиерейм къагъэщIэрэщIэжа къулъшырыфым и япэ унафэщIу щыта игумение Антоние (Бобылевэ) щыщIалъхьэжа щIыпIэм деж тхьэлъэIу щригъэкIуэкIащ. ИужькIэ, къулъшырыфым и унафэщI игумение Тамарэ (Ушаковэ), щоджэнхэм я гъусэу, архиепископ Феофилакт ухуэныгъэм, къулъшырыфым и щыIэкIэм кIэлъыплъащ.