2026 гъэм накъыгъэм и 20-м Пятигорск лъахэхутэ музейм Пятигорскрэ Черкесскрэ я архиепископ Феофилакт хэтащ «Святые Благословенного Кавказа: подвиги, память, почитание» гъэлъэгъуэныгъэр къызэӏухыным.
Гъэлъэгъуэныгъэр траухуащ Ставрополь митрополием и щихъхэм я Члисэр щагъэлъэпӏа махуэмрэ Пятигорск, Черкесск епархиер къызэрагъэщӏэрэщӏэжрэ илъэс 15 зэрырикъумрэ. Ар къызэӏуахащ «Евдокимовские чтения» 13-нэ щӏэныгъэ-практикэ конференцыр егъэкӏуэкӏыным хыхьэу.
Гъэлъэгъуэныгъэр къызэӏухыным хэтащ къэзакъ пасэрей хабзэр фӏыуэ зылъагъухэм я Тэрч зэгухьэныгъэм и унафэщӏ Губенкэ Олег, Пятигорск члисэ округым и благочиннэ протоиерей Симанович Олег, Второафонскэ къулъшырыфым и благочиннэ иеромонах Иоанн (Галумов), Евдокимовскэ къеджэныгъэхэм хэтахэр.
Фӏэхъус псалъэхэм яужькӏэ лъахэхутэ музейм щӏыуэпсымрэ археологиемкӏэ и ӏэнатӏэм и унафэщӏ Савенкэ Сергей къызэхуэса хьэщӏэхэм я пащхьэ ирилъхьащ ягъэхьэзыра экспонатхэр икӏи зыплъыхьакӏуэ иригъэкӏуэкӏащ.