2026 гъэм гъатхэпэм и 22-м, Пятигорск епархиер къызэрыщIэрэщIэжрэ илъэс 15 щрикъум, Пятигорск, Черкесск щIыналъэхэм я архиепископ Феофилакт тхьэлъэIу щригъэкIуэкIащ Пятигорск къалэм и Спасскэ кафедральнэ соборым.
Щоджэн нэхъыщхьэм къулыкъур драгъэкIуэкIащ епархием и щоджэнхэм Административнэ секретариатым и унафэщI щоджэн Яковенкэ Илия я пашэу. Пастыр нэхъыщхьэм и гъусэу Тхьэ елъэIуащ Пятигорск щыпсэухэмрэ зыгъэпсэхупIэм и хьэщIэхэмрэ.
ТхьэлъэIум хыхьэу архиепископ Феофилакт щоджэнхэм яхуигъэфэщащ дамыгъэхэр. Щихънагъым и лъэIукIэ, Москварэ Урысей псомрэ я Патриарх Кирилл Пятигорск члисэ округым и благочиннэ щоджэн нэхъыжь Симанович Олег хуит ищIащ тхьэлъэIу литургиер иригъэкIуэкIыну. Новопавловскэ члисэ округым и благочиннэ щоджэн Гордин Александр хуит ящIащ гъэдэха жорыр зэрихьэну.
ХъыбарыфIхэр зэрыт тхылъым къеджа нэужь, Щихънагъым фIэщхъуныгъэ зиIэхэм узэщIыныгъэкIэ захуигъэзащ. ТхьэлъэIу нэужьым Пастыр нэхъыщхьэр щоджэнхэмрэ екIуэлIапIэм кIуэхэмрэ ехъуэхъуащ.