2026 гъэм гъатхэпэм и 13-м Успенскэ Вотороафонскэ Бештаурскэ цIыхухъу къулъшырыфым щекIуэкIащ «Духовный подвиг казаков - новомучеников и исповедников Российских» зэIущIэр.
Зэхыхьэм щызэхуэсащ Горячеводск и къэзакъхэм атаман Иванов Руслан я пашэу, Минвод къикIа, атаман Щёткин Евгений зи пашэ гупыр, ТОЛКС-м щыщ къэзакъхэр. ЗэIущIэм хэтащ Пятигорск и Думэм и депутат, дзэ Iуэху хэхам и ветеран Савченкэ Владимир, Пятигорск епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан.
ХьэщIэхэм фIэхъус ярихащ щоджэнархимандрит, Пятигорск, Черкесск щIыналъэхэм я архиепископ Феофилакт.
«Жития новомучеников и исповедников Российских как пример для построения духовной жизни казаков современности» докладыр ищIащ къэзакъ щэнхабзэр фIыуэ зылъагъухэм я Тэрч зэгухьэныгъэм и унафэщI Губенкэ Олег. Пятигорск и лъахэхутэ музейм и унафэщI, тхыдэ щIэныгъэхэмкIэ кандидат Савенкэ Сергей къытеувыIащ Кавкавзым и Минводы и станицэхэм я члисэ екIуэлIапIэхэм я гъащIэм къытеувыIащ, совет лъэхъэнэм абыхэм тхьэлъэIухэр щрагъэкIуэкIыу зэрыщытам. Щихъхэр канон щIынымкIэ комиссэм и секретарь щоджэн Гурин Александр доклад ищIащ совет властым и зэманым Кубань, Тэрч областхэм я къулъшырыфхэм теухуауэ. Къэпсэлъахэм я докладхэр щIэщыгъуэ ящыхъуащ.
ЗэIущIэ нэужьым архиепископ Феофилакт зэхыхьэм хэтхэм защригъэплъыхьащ Бештаурскэ къулъшырыфым и Успенкэ соборым, члисэр зэрагъэдэха мозаикэ тхьэнапэхэр игъэлъэгъуащ.
ЗэIущ1эм хэтахэр къытеувы1ащ гуэныхьхэр 1уэтэжыным, Христос лъагъуныгъэ хуа1эм, нэгъуэщ1хэми. Къызэгъэпэщак1уэхэм къызэралъытэмк1э, апхуэдэ зэ1ущ1эхэм къэзакъхэм я ф1эщ ящ1 дзэ къулыкъуми хуэдэу, духовнэ гъащ1эми щапхъэ куэд зэрыхэтыр.