2026 гъэм гъатхэпэм и 12-м, чристэн тхылъым и махуэм и пэ къихуэу, Пятигорск и библиотекэхэм я лэжьакIуэхэр хабзэ зэрыхъуауэ IущIащ Пятигорск, Черкесск щIыналъэхэм я архиепископ Феофилакт, духовнэ литературэм, тхылъым тепсэлъыхьын папщIэ.
«Тхылъыр – нобэ псэм и IэмэпсымэфIщ. Псэр иджырей щытыкIэм дэзыгъэушэщ ар. Тхылъыр бзэ щIэщыгъуэкIэ, тыншкIэ тхамэ, абы псэр иджыри иIыгъщ, тхылъым еджэн буха нэужьи», - къыхигъэщащ архиепископ Феофилакт.
Архиерейм IущIэныр – псом япэу библиотекэхэм я лэжьакIуэхэм яфIэгъэщIэгъуэнт Чристэн члисэм тхылъ тедзэным и зыужьыныгъэм щиIэ увыпIэр, щIэблэм я дежкIэ духовнэ литературэм иIэ щIэупщIэм, езы Щихънагъыр зэджэр сыт хуэдэ литературэми. Тхылъеджэхэм иужьрейуэ къыдэкIахэм ящыщу сыт хуэдэ тхылъ игъэлъэгъуэфыну. IэрыщI интеллектым тхакIуэхэр зэрыхущытыр, тыкуэнхэм экзотерикэ литеартурэ куэду щIыщIэлъ щхьэусыгъуэхэм, абы щIэупщIэ щIиIэм, нэгъуэщIхэми.
«Ди епархием, щихънагъ Феофилакт фIыщIэ хузощI мы Iуэхум зэпымыууэ езыр зэрыхэтым папщIэ, Члисэмрэ тхылъымрэ я зэхущытыкIэхэм фIыуэ топсолъыхь, фIыуэ илъагъу литературэхэм къытоувыIэр, ди зэман мытыншым гулъытэ зыхуэщIын хуей тхылъхэми я цIэ къреIуэр», - жиIащ библиотекэм и унафэщI Бандурин Василий.
Пятигорск епархием Тхылъхэр зэбгырыгъэкIынымрэ библиотекэхэм зегъэужьынымкIэ жэуап зыхь щоджэн нэхъыжь Симанович Олег утыку щигъэлъэгъуащ архиепископ Феофилакт и «Вечное подчеркнуть. Как посмотреть на мир иначе» тхылъыщIэр, «Никея» тхылъ тедзапIэм къыщыдэкIар. Апхуэдэу утыку кърихьащ Пятигорск епархием мы гъэм библиотекэхэм тыгъэ яхуищIа къыдэкIыгъуэхэр. Ар Инджылырщ, Тхьэм и Унафэрщ, фIэщхъуныгъэ зиIэхэм я гъащIэрщ, сабийхэмрэ ныбжьыщIэхэмрэ яхуэгъэза, иджырей чристэн тхакIуэхэм я Iэдакъэ къыщIэкIа тхылъхэрщ. Пятигорск къалэм Горькэм и цIэр зезыхьэ и библиотекэм щихънагъ Феофилакт къыбгъэдэкIыу иритащ куэдрэ къыдамыгъэкI тхылъхэм щыщ.